Ïakhaid ka Umshangiar hapdeng ka Pateinki Sabah
Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Mookyrdup kala pynliem da 5-0 kol ïa ka Sohmynting Dongneiñ, ïa ki kol na ka Mookyrdup la thep da u Missile Bareh haka minit ba 13, kawei ka kol ka kum thep bakla ha ka minit ba 34, u Dennis Passah ar kol haka minit ba 37 & 39 bad u Nidaiar Kamar haka minit ba 68.
Ha ka jingïakhun kaba ar kiba poi sha ka jingïakhait da 0-0 hapdeng ka Umshangiar pyrshah ïa ka Pateinki Sabah.
Ha ka jingïakhun kaba lai ka Mupliang kala pynliem da 3-2 kol ïaka Khliehmyntdu Neinchnong, ïa ki kol naka Mupliang la thep da u Byforcestar Dhar ha ka minit ba 37& 70+2 bad u Kermi Dkhar haka minit ba 56. Ïa ki kol na ka Khliehmyntdu Neinchnong la thep da u Fivestarson Shylla ar kol haka minit ba 45 & 70+4.
Katba ha ka jingïakhun kaba saw ka kynhuh jong ka Royalpole Mihmyntdu kala pynliem da 4-1 kol ïa ka Samaro, ïa ki kol na ka Royalpole Mihmyntdu la thep da u Pynshailang Shullet haka minit ba 2 & 6, u Leirangki Papang haka mninit ba 12 bad u Bankerlang Shylla ha ka minit ba 19. Ïa ka shikol na ka Samaro la thep da u Deibor Bareh ha ka minit ba 51.