Ka seng Jaintia Student Union (JSU) Khliehriat Circle, hapoh ka jianglam u President u samla Livingson Sama, u General Secretary Ajoymenson Lyngdoh ha ka jingdon ryngkat u Vice President samla Winson Salahe bad ki dkhot ka seng hynne ka sngi ki la leit ban kynduh bad u DMHO bad u Medical Officer ban tohkit bniah iaka jinglong jingman ka Hospital ha Khliehriat kaba dang shu dep pynkiew kyrdan dang ha u snem ba lah dep sha ka Civil Hospital Khliehriat hynrei phewse ka seng ka lap da la jong ki khmat ha ka jingleit jurip ba kane ka Hospital ka dang sahdien wat hadien ba lah dep pynkiew kyrdan shaka Civil Hospital.
Ka seng kala dap da ka jingbitar hadien ka jingiohi bad lap iaka jingsah dien kane ka jaka ai jingsumar bad kaba kham pynsngewsih iaki nongialam ka seng ka long ba ka sorkar ka la ieh beiñ ia kane ka thaiñ wad hadien kumba 12 snem tam ka jingioh Distrik ka thaiñ .
Hynrei ka sorkar kam shim khia ban pynbiang iaki jaka sumar bad ki nongialam seng ki lah ong ruh ba ka sorkar jylla ka ioh kham bun ka khjna na ka East Jaiñtia hynrei ka roi ka par hapoh ka thaiñ kam lah ban pynbiang bad ka seng ka la shim da ka rai ban pyndam shuwa ia ka kyteng kane ka jaka ai jingsumar kum ka “Civil Hospital” katba ka sorkar kam pat lah ban pynbiang iaki kor ki bor bad ki jaka sumar hapoh kane ka Hospital paitbah bad bunsien ki nongshong shnong ki hap ban leit phah sumar shaduh sha Ialong Civil Hospital Jowai bad kane ka buh jingeh iaki paitbah namar ka jaka sumar ka long kaba jngai.
