Ka KSU Wapung Unit ha kane ka 21 tarik bnai Naitung lyngba ka Environment Cell ba la lamkhmat da u Hamieh Dkhar ba la synran lang da u Shwari Ryngkhlem General Secretary,Hamewanpynhun Ryngkhlem Education Secretary bad u Senmon Siangshai, ka la leit ia kynduh ia u Deputy Commissioner ka East Jaintia Hills District ban dawa khang khyrdep noh ia kawei ka Coke Factory ka ba kyrteng ka M/S Abhi Coke ka ba don ha Ladrymbai Mookhep.
Ka daw kaba pynlong ia ka seng ban leit ujor sha u DC ka long halor ka nongrim ka jingtei beaiñ khlem da bud ia ki kyndon katkum ka Meghalaya State Pollution Control Board’s kaba lah ban tei ia ki coke factory ha ka jing jngai kaba 1Km na jaka Shnong ki paidbah lane ki Skul ki jaka paidbah bad Hospital. Katkum ka jingiohi bad lap ka seng la ioh ba kane ka Abhi coke kam da jngai na 1 Km na National Highway 6 bad ka Shnong Mokhep, Ladrymbai bad na kawei ka skul ka Good Shepherd Secondary School kaba don ha Ladrymbai. Kane ka jingmih ka tdem jakhlia bad ba sma iwtung na kane ka coke factory ka ktah ia ka koit ka khiah ki paidbah ba iaid ba ieng bad ki nongshong shnong kiba don marjan bad kane ka Coke Factory.
Na ka liang jong u DC u la ong ba kim lah ban leh eiei halor kane namar ba kane ka Coke factory ka la ioh jingbit na ki Department ba kham halor jong ki bad u DC u la kular ban iakren bad kiba halor lane sha ka Meghalaya State Pollution Boards Control ban leh ia kaba donkam katkum ki kyndon.