Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Luti Tuber Ialong kala pynliem da 9-1 kol ïa ka Tpeppale, ïa kitei ki kol na ka Luti Tuber Ialong la thep da u Phrangki Dhar ha ka minit ba 4, u Leader Mulieh ha ka minit ba 18 & 45, u Fredrick Dhar ha ka minit ba 22, u Bankitbor Dhar ha ka minit ba 36, 60, 68 & 69 bad kawei ka kol ha ka minit ba 53 la kum thep bakla ïa ka. Katba ïa ka shikol na ka Tpep-pale la kum thep bakla da u Ryngkat Dhar (own goal) ha ka minit ba 66.
Ha ka jingïakhun kaba ar kala poi sha ka jingïakhiad khlem da don kiba thep kol hapdeng ka Moodymmai pyrshah ïa ka Lumsliarsliar.
Ka jingïakhun ha ka sngi nyngkong 24 tarik kan long hapdeng ka Mookyrdup pyrshah ïa ka Unshangiar ha ka por 10 shiteng mynstep, katba ka Sohmynting Dongneiñ kan ïakhun pyrshah ïa ka Khliehmyntdu Neinchnong Mihmyntdu haka por 12 baje shiteng sngi.