Ka Hynñiewtrep Integrated Territorial Organization (HITO) West Jaiñtia Hills District hapoh ka jingïalam u President samla Wanbiang Pulang bad u Secretary samla Cresene Ksoo hadein bala ïah ïaka jingujor naki nongshong shnong na kylleng ka Ri-Lum Jaiñtia kila leit ba sakhi hi dalade bad la lap ïa shibun ki jingduna haki liang baroh hapoh kane ka jaka ai jingsumar MCH kaba don ka Panaliar Jowai.
Naka liang ka seng kala leit ban ujor shisein don shaka ophis treikam u District Medical and Health Officer Jowai halor katei ki jingeh bala mad da ki nongleit ai jingsumar ha katei ka Hospital la don ruh kawei ka jingujor ba ki nongtrei jong katei ka jaka ai jingsumar kila kheiñsting ban sumar ïa iwei ki heprit bad i khlad noh tang naka daw ba leh torti bad leh mynthi halor ka jingkyrpad jong ki kmie ki kap jong itei i hep rit ban sumar ïa i bad haba ki kwah ban mih noh na katei ka jaka ai jingsumar ban leit noh sha kiwei ki hospital ruh kim kren ei ei hynrei kila shu leh mynthi.
Ka seng ka la ong ba ngin nym shongthait halor kine ki jingjia kiba la jia naka por sha kapor khamtam haki Hospital sorkar bad ka seng kan wad bniah bad ban pynshitom ïa kum kita ki nongtrei kiba shu leh mynleh khlem da pyrkhat shuh ïaka ïap ka im bad shen ka seng kan sa leit ujor noh sha ka myntri ka tnad ka koit ka khiah ban dawa pynshitom ïa kitei ki nongtrei.
Ka seng kala dawa ruh ban khang shwa shipor ïa katei ka MCH Jowai tad haduh ban da biang lut ki jingdonkam baroh la pynkut ka kyrwoh na ka seng.