Mynta ka sngi u Ajay Verma uba dei u Executive Director, National Highways & Infrastructure Development Corporation Ltd. (NHIDCL), Project Shillong ula ioh ban ia kynduh ia u Lat ka Jylla u Phagu Chauhan ban iakren ban pynpaw halor ka jingiaid shaphrang jong ki Project bapher bapher kiba pyniaid da kane ka Company.
Kane ka Company ka dei ruh kaba pyntrei ia u surok na Shillong shaduh Dawai bad kawei pat na Maheshkhlo shaduh Ranikor nalor kiwei de.
Ha kane ka jingiakynduh na ka liang jong u Lat ula kyntu ia u Verma ba ka Company ka dei ban pyndep ia kitei ki surok hapoh ka por ba la buh khnang ba kan wanrah ka jingmyntoi ia ki paidbah ka Jylla.
Mynta ka sngi na ka liang jong u Commissioner of Customs, NER Region u Mahfuzur Rahman ruh ula wan ban ia kynduh ia u Lat ka Jylla hapoh ka ïingsah jong u ha Raj Bhavan, Shillong. U Rahman u la ioh ban iakren shibun ki kam kiba iadei bad ka tnat jong u hakhmat jong u Lat, iathuh ka khubor ba la pyllait na Raj Bhavan, Shillong.
