Ka Hynñiewtrep Integrated Territorial Organization (HITO) West Jaiñtia Hills District hadein ka jingpynmih khubor ka Dorbar Shnong Panaliar daka ba ong ba la khang pyrshah ïaki briew bad ki seng bhalang ban lushia ïaka kam hapoh ka shnong Panaliar naka liang ka seng kala buh ïaka jingkylli ïaka Dorbar shnong hato ka Maternity and Child Hospital la shna tang naka bynta ka shnong Panaliar ne naka bynta baroh ki nong Jaiñtia kiba don kam ïaki jingsumar khamtam ïaki longkmie bad ki heprit?.
Kaba sngewlyngngoh shuh shuh ba tang hadein ar sngi baka seng kala dep ujor shaka ophis jong u District Medical and Health Officer West Jaintia Hills District halor ka jingkhlad noh iwei i heprit halor ka jingbym biang ka rukom ai jingsumar ha katei ka hospital ka i kumba kine ki nongkitkam shnong ruh ki don ka jingkitkhlieh halor kitei ki kam ha katei ka jaka ai jingsumar.
Shuh shuh naka liang ka Seng kala ong ba ngi kum ka seng bad ki nongshong shnong jong ka Rilum Jaiñtia ngi don hok ban tuklar bad ban kren ïa kaei kaei ka jingleh bym hok bad ka jingleh mynthi jong kino kino ki bor. Lada dei ki bor sorkar ne ki shnong ne kino kino katkum ka riti ba (Article) 19A jong ka constitution jong ka ri India.
Ki nongïalam shnong kidei ban sngewthuh Shai ïa kata bad kidei ban pule bha ïaka Sanat bala ai ïaki daka Autonomous District Council bad Kane ka jingpynmih khubor jong ka Dorbar shnong Panaliar ka pyni ba kiba pli kim tip ïaka lynti treikam lajong namar ka seng ka khlem wan ban tuklar ïaka kam shnong jong ki namar ba katei ka MCH kam dei kaba la shna ne pynïaid daka Dorbar shnong lane ym dei ka shnong bala siew tulop ïa ki hynrei dei ka Sorkar.
Ka seng kala ïoh ïaka jingujor la bun bun seiñ naki nongshong shnong na kylleng ka Ri-Lum Jaiñtia bad imat kine ki nongïalam shnong ki kwah ba kiba wan ai jingsumar hakatei ka hospital kin shu duh ei ïala ka jong ka jingim ba kordor khlem da tuklar bad ujor shaki bor ba dei peit namar ngi tip ba ka shnong kam lah ban pynbiang ïaki jingduna bad ki jingdonkam jong katei ka Hospital bad lada ka shnong ka nud ban shim ïaka jingkitkhlieh nangne sha khmat lada jia ei ei ïaki nongwan ai jingsumar ha kane ka MCH.