Mynta ka sngi 27.07.2023, ka “TUR SHAPHRANG” village organisation, (v.o) Lumpyngngad, Amlarem Block, West Jaiñtia Hills, District ka la rakhe ia ka lyngkhuh dap shisnem jong ka jingseng ha kaba ia ka jingialang la pyllong ha madan football ka shnong hi, ha ha ka por 10.30.a.m.
La seng ia kane ka VO Lumpyngngad ha ka 27.07.2022 bad la jer kyrteng ia ka, ka “TUR SHAPHRANG”, hapoh kane ka VO don 5 tylli ki SHG kiba snohkti ban kyntiew ia ka roi ka par ki nongshong shnong, kita ki long ka SHG Shaniah Tylli, ka SHG Iateilang, ka SHG Ryntihlang, ka SHG Cjukai dei phrang bad ka SHG khihmon sngah jam.
U kongsan ha kane ka sngi u dei u Bah M. Kharpran, Block Project Manager (BPM), Amlarem C&RD Block bad kumjuh u symbud kongsan Bah Medalin Swer, ki riew paw khmat ka thain kum u Bah W. Chyrmang bad la ioh jingkren ruh na ki nongkit kam ka VO kong Fitby Syrti, ka la ai jing pynshai paitbah ia ka story lyngkot ka VO hapoh ka shisnem bad iathuh ruh ba ka VO ka la lah ban pyndep haduh 12 tylli ki kam hapoh kane ka snem, naduh ka kam thung dieng, pynkhuid shnong, rakhe Independence Day, iarap ia ki ba donkam ban ioh jingiarap kum sha ki para shnong para thaw, iarap kum haba don jingiathoh shongkurim hapoh shnong, ban peit ia ka bha ka miat, ka suk ka saiñ hapoh shnong bad kiwei kiwei ki kam babha.
La ioh jingkren ruh na u Advicer ka VO Bah C. Talang uba dei ha ka juh ka por u Waheh Chnong Lumpyngngad. La wan pynshit pynsngaid ia kane ka program da ka jingwan tuid ki nongshong shnong ba marjan kum na Lumpyngngad, Kharkhana, Pasadwar bad kiwei kiwei. La ioh ruh ia ki kyntien ai khublei da ka kong T. Pohkyrnu bad la pynphuh pynphieng ia kane ka program da ki jingshad jingrwai na ki kynhun SHG bad ha ka por janmiet pat don ki jingialehkai kum ka musical chair, Arm wrestling, mareh 100 meter shynrang, kynthei bad kiwei kiwei ki jingialehkai, la pynkhalai ruh ia ka Lucky Draw ka VO ban pynmih Pisa ha shwa ban kut ka prokram.
