Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi 28.07.2023, ha madan Kiang Nangbah Stadium, Dongmihsngi Jowai, ki jingiakhun kila ha ka jingiakhun kaba nyngkong da ka jingiakaid katba ka jingiakhun kaba ar pat ka la long kaba theh shi liang.
Haba phai sha ka jingïakhun kaba nyngkong kala poi sha ka jingïakhaid da mar 2-2 kol hapdeng ka Mooknor Thadmuthlong pyrshah ia ka Lion Club, ïa ka kol na ka Mooknor Thadmuthlong la thep da u Heithrang Lyngdoh haka minit kaba 42 bad u Samuru Papiah haka minit kaba 50 jong ka jingialehkai. Katba na ka liang ka Lion Club iaki ar tylli ki kol la ioh ban thep da u Nikhil Shylla haka minit ba 2 bad kaba ar da u Bankerlang Shylla haka minit kaba 58.
Ha ka jingïakhun kaba ar pat mynta ka sngi ka kynhun ïalehkai jong ka 7 Wasa kala pynliem kput ia ka Lumchyrmang Mihmyntdu haduh 7-0 kol. Ia ki 7 tylli ki kol ka 7 wasa la ioh ban thep da u Saibok Tariang haka minit kaba 6, katba u Riphi o Shylla u la ioh ban thep tang marwei haduh 4 tylli ki kol kiba u la ioh ha ka minit kaba 24, 26, 33 bad 35 bad ia kiwei pat ki 2 tylli ki kol la ioh ban thep da u Thankyou Mukhim ha ka minit kaba 29 bad 42.