Ki nongpyniaid jong ka Miss Meghalaya Organization, kaba don hapoh ka shatri jong ka Meghalaya Youth Tourism Development Society kila pyntip ba yn sa pynlong biang ia ka tamasa Miss Meghalaya bad Miss Teen Meghalaya 2023 mynta ka kynti. Ia ka Audition na kaba bynta kane ka lympung yn sdang naduh ka 12 tarik u bnai August 2023 ha Youth Hostel Shillong.
Ki nongjop jong ka Miss Meghalaya bad Miss Teen Meghalaya kin sa ioh ban leit mihkhmat ia ka Jylla sha ka Reigional bad National platform. Ka Grand Finale jong kane ka lympung kan long ha ka 9 tarik u September 2023 ha U Soso Tham Auditorium, Shillong. Ki nongjop kin ioh khur ia ka song pisa kaba Rs.2.80 lak. Ha ka sngi pynkut kan don ruh ka Fashion Show ban pyniaid da ka Butterfly Clothes and Accessories.
Mynta ka sngi ha ka jingpyllait khubor sha ki lad pathai khubor ha Shillong Press Club, la iadon lang ki dkhot jong ka Miss Meghalaya Organization, ba kynthup ia u bah Brian Wallang, Rochelle Wahlang, ka Miss Meghalaya. U President bad Secretary ka Meghalaya Tourism Youth Development Society, bah Dominic Savio Diengdoh bad u Daniel Khongsit, kumjuh u bah Shanbor Khonglah.