Ka Orphan Children Foundation (OCP) hapoh ka jingïalam u Founder Chairman u bah L. Dkhar mynta ka sngi kila ïoh ban ai jingïarap da ki marbam bad ki nep syaid (Blanket) ïa ki khunswet kiba don ha ka shnong Pamrakmai East Jaiñtia Hills District.
U Founder Chairman bah L. Dkhar haba ai jingkren ula ong ba ka Foundation hi ka kloi ban ïarap ïa ki khynnah Khunswet ha kano kano ka por ba ki don kam jingïarap bad ula ong ruh ba ka Foundation ka lah ban ïarap tang da ki marbam, bai skul bad khamtam haka por ba ki pang ki shitom.
Shuh shuh ula ong ruh ka Foundation ka ïa kynduh shibun ki jingeh khamtam ba kim pat don ïa ka Orphanage Centre kumta kim pat lah ban shimti ïa ki khunswet, hynrei wat la katta ruh da ka jingshañiah ha U Blei bad da ka jingïa trei lang jong ki kato katne ngut ki briew ba sbun mynsiem ka Foundation ka lah ban ïaid sha khmat ban ïai bteng shuh shuh ka jingïarap sha ki khunswet bad kiba don jingduna ha ki dkhot met.
Ha kane ka sngi la ïadonlang da kiba haïing hasem jong kine ki khynnah bad ka jingïa don lang u Office Secretary Orphan children Foundation East Jaiñtia Hill District u samla E. Dkhar bad ka Volunteer ka OCF na East Jaiñtia ka kong R. Sungoh.