Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi saitjaiñ ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong kila poi sha ka jingïakhaid da mar 2-2 kol hapdeng ka SCSC Nonglatem pyrshah ïa ka Mukhla Umlangshor, ïa ki kol na ka SCSC Nonglatem la thep da u Pial Langshiang ha ka minit ba 12 bad u Rikwis Mynsong ha ka minit ba 69. Na ka liang ka Mukhla Umlangshor la thep da u Rio Lyngdoh ha ka minit ba 9 bad u Ni o Sumer ha ka minit ba 47.
Katba ha ka jingïakhun kaba ar ka Nangbha Pohshnong kala pynliem da 3-1 kol ïa ka Loompytdi Iongpiah, ïa kitei ki lai kol na ka Nangbah Pohshnong la thep marwei da u Lakhon Dkhar ha ka minit kaba 34, 40 & 45. Na ka liang ka Loompytdi Iongpiah la kum thep bakla da u Bhaki Hinge (own goal) ha ka minit ba 63.
Ka jingïakhun ha ka sngi nyngkong 7 tarik Nailar kan long hapdeng ka Moodymmai pyrshah ïaka Iooksi Youth Welfare haka por 10 shiteng mynstep, katba ka Mookynphad Mihmyntdu kan ïakhun pyrshah ïaka Risingsun Mukhla haka por 12 baje shiteng sngi.