Ka JSU-Khliehriat Circle bad ka JSU-Southern Border Zone hadien ka jing wad bniah ba la katto katne por ryngkat ka jingiatreilang bad ka NCP lyngba u President ka Meghalaya ka pynpaw ia ka jingsngew khia bad bynñiaw ia ka jing bym pat lah ka sorkar ban buh ia ka ophis tnad khlaw (Forest) kaba pura hapoh East Jaintia Hills District.
Ka Seng ka la ong ruh ba da kaba don ia ka ophis ba pura ha EJHD kan long ka jingkyrkhu ia ki paitbah ha EJHD kiba hap leit mareh sha Jowai man ki por ba donkam. Kum ban shu pynkynmaw ba ka EJHD ka long ka District kaba paw khmat ha ka kam khaii pateng khamtam ha kaba iadei bad ki kharkhana bun jait (Industrial Hub).
Ka jingdon ki kharkhana bad ki kam khaïi mawshun bad kiwei kiwei ka la pynlong ia ki briew kiba don ia ki khlaw bad par maw ban apply ia ki mining licence bad kane ka wanrah jingeh iaki ban leit mareh sha Jowai bun bun sien.
Kumba ia tip baroh ba ki kam ha ki ophis sorkar baroh ki long kiba suki bad ba hap leit mih bunsien sha ophis, bad kane ka la wanrah ia ka jingeh ia ki paitbah ha kaba iadei bad ka jinglut jingsep. Kumta ban pynbeit ia kane bad ban pynsuk ia ki paid ka thain ka JSU kala dawa da ka ophis ba pura jong ka tnad Forest ha EJHD ka ban shakri kyrpang tang ia ka EJHD. Ka Seng ka kyrpad jur ia ka sorkar ban shim khia ia kane ia kane ka jingdonkam jongki paitbah. Kane ka long katkum ka jingpyllait khubor u President ka JSU, Southern Border Zome u samla Ajoymeson Lyngdoh bad u General Secretary ka JSU Khliehriat Circle u samla Emanuel Bhoi.