Ka jingialehkai Badminton ba la pyniaid da ka West Jaiñtia District Badminton Association, Jowai (WJDBA) ia kaba la tip kum ka “12th District Open Badminton Championship 2021” ka la poi noh sha kaba kut ha kane ka sngi Saitjaiñ (23.10.2021).
Ia kane ka Tounament la sdang naduh ka 18 tarik mynta u bnai ha Seiñraij Indoor Hall Tpep-pale Jowai bad ha kane ka sngi pynkut la wan ban pynhap pyrda da u EM ka JHADC ma Pasmon Dkhar, ha ryngkat ka jingdonlang ki nongpyniaid ka West Jaiñtia District Badminton Association.
Haba phai sha ka jingiakhun phainal ha ka kyrdan ‘Men Single 50+ u Wanmi Dkhar ula pynliem ia u Ambrose Gatphoh da 21-16, 17-21 bad 15-21, ha ka Men’s Double 50+ u Teddy Laloo bad u Salan Paswet ki la pynliem ia u Wanmi Dkhar bad u Carmelo Laloo da 21-19 bad 21-18.
Ha ka Men’s Single 35+ u Dauru Laloo Lamare u la pynliem ia u Piterson Lamare da 16-21, 21-18 bad 21-12. Ha ka Men’s Double 35+ u Dauru Laloo bad u Rimilan Passah ki la jop ia u Nangebormi Suting bad u Jlan Kupar Rymbai da 21-12 bad 21-19.
Ha ka Mixed Double u Mebanker Shullai bad ka Emilanadaka Chyrmang kila lah ban pynliem ia u Nangebormi Suting bad ka Balashembha Passah da 21-06, 21-13.
Ha ka Men’s Single (open to all Category) u Mebanker Shullai u la bteng ban long kum u lahduh haduh mynta u snem da kaba ula pynliem ia u Gregorio Passah da 21-12 bad 21-09. Katba ha ka Men’s Double (open) u Deilang Nongpluh bad u Burom Lakiang ki la pynliem ia u Nangebormi Sutnga bad u Demeniv Sullai da 21-11 bad 21-07.
Ha kane ka lumpung “12th District Open Badminton Championship 2021” ia ka nam kum u nongialehkai ba kynsai tam ‘Most Promising Player’ la ioh da u Wanphai biang Iakai.
Ia ki khusnam sha ki nongjop la sam da u kongsan lem bad ki dkhot ka Association.
