Mynta u snem ka jingrakhe ia ka sngi laitluid jong ka Ri ne ka Independent Day, ha nongbah Jowai imat kan long kaba kynjah slam namar ki bor jong ka District kim ym shah ne ai lad shuh ia ki paidbah ban wan sakhi lang ia kane ka jinglehkmen kaba la leh lang baroh shi tyllup ka Ri India.
Kaba ikyndit bad ithamula ba ka jingrakhe ia kane ka sngi ha nongbah Jowai kaba juh pynlong manla u snem ha madan Jrisalein Jowai, mynta la iohi ba ia kane ka madan laker kut baroh sawdong da ki jaiñ, ha kaba ki paidbah nongwan peit kai kim lah shu ban iohi ei ei ia ki jingleh sngewbha na ka bynta kane ka sngi lait noh tang ki ba don bynta ne kiba shong shapoh jong katei ka madan.
Kane ka jingleh jong ki bor pyniaid District kumne kam i kop shu ban ong ba ka dei ka jingrakhe ia ka sngi laitluid jong ka ri la kynnoh ki paidbah kiba iohi ia ka jingpynkhreh ha katei ka madan.La ong ruh ba kum kane ka jingker jaiñ baroh sawdong ia ka madan ym leh mynno mynno ruh haba don kum kine ki sngi kyrpang jong ka sorkar.
