Mynta ka sngi jong ka jingrakhe ia ka jingiohlaitluid kaba 77 jong ka ri India ka long ruh ka jingkyrkhu ia ki 144 tylli ki Self Help Group (SHG) kiba la ioh ia ka jingkyrshan pisa kaba la kot haduh Rs.609 klur tyngka, ia kaba la wan ban sam ia ka Sanction Order da u Deputy Chief Minister ka Jylla u ma Sniawbhalang Dhar, ha madan Jrisaleiñ, Jowai.
Kane ka jingkyrshan pisa (loan) ia kitei ki 144 tylli ki SHG ka long shi bynta na ka jingthmu jong ka Sorkar ban pynkup bor shuh shuh ia ki riew kynthei lyngba ki jingtreikam jong ki lyngba ki kynhun SHG, ia kane ka pisa la pynioh lyngba ka Meghalaya Rural Bank. Kumjuh ruh na ka liang jong ka Meghalaya Co-operative Apex Bank kala pynioh ram sha ki 28 tylli ki SHG kaba la kot sha ka Rs.32 lak tyngka.
