Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun Pre Quarter Final mynta ka sngi na ka liang ka kynhun ïalehkai jong ka Pateinki Sabah kala pynliem da 1-0 kol ïa ka Lumkhangdong Kyndongtuber, ïa katei ka shikol na ka Pateinki Sabah la thep da Shngain Shylla haka minit ba 52.
Ha ka jingïakhun kaba ar ka Moodop Royal kala lah ban pynliem da 6-5 kol ïa ka Mulang Ialong 6-5 lyngba ka jingïashut Tie Breaker.
Ka jingïakhun kaba lai ka kynhun Madan kynsaw Mawkyndeng kala pynliem da 7-2 kol ïa ka Myrjai, ïa ki kol na ka Madan kynsaw Mawkyndeng la thep da u Dangri Phawa haka minit ba 23, 50 & 60, u Albert Sariang haka minit ba 37 & 79, u Fernando Sayoo haka minit ba 40+2 bad u Phile mon Lamare haka minit ba 65. Ïa ki kol na ka Myrjai la thep da u Treilang Kyndait haka minit ba 12 bad u Jumonki Phawa haka minit ba 58.
Katba haka jingïakhun kaba saw ka Da-i-hi Mynsngat kala pynliem da 3-2 kol ïa ka Iooksi Youth Welfare lyngba ka jingïashut Tie Breaker. Haba phai pat hapoh ka por jong ka jingïakhun kine ki kynhun kila poi sha ka jingïakhaid da mar 2-2 kol, ïa ki kol na ka Da-i-hi Mynsngat la thep da u Repilda Muksor haka minit ba 9 bad u Pynskhem Mukhim haka minit ba 22. Katba na ka Iooksi Youth Welfare la thep da u Pyrshang Tangliang haka minit ba 34 bad u Khatarbor Suchiang haka minit ba 41.