Ka Jaiñtia Students’ Movement (JSM) kumba ju ai khusnam manla u snem sha ki samla pule jong ka Ri-Lum Jaiñtia, ha une u snem ruh kan bteng ïa kane ka jingai khusnam ba tip kum ka 5th Academic Excellence Award 2023.
Ïa kane ka jingaikhusnam ka dei tang ïa ki samla pule ki ba napoh ka Ri-Lum Jaiñtia kiba ïoh ïa ka 80 percentage shaneng ha ka kyrdan SSLC, HSSLC bad ha ka kyrdan Graduation.
Kumta ka Seng ka la pyntip ïa ki Samla pule kumjuh ïa ki kmie ki kpa kiba ha ïing ha sem jong ki ba kin phah ïa ki kot ki sla ba donkam kum ka Registration Card/ Admit Card, Marksheet, kyrteng ka Shnong bad kin sa pynpoi sha u Education Secretary Central Body u Samla Wellson RD Siangshai lane lyngba u WhatsApp Number-8787789140.
Ka tarik ba khatduh yn pdiang ïa ki kot ki sla dei haduh ka 31-08-2023.
La pyntip ba ïa ka jingaikhusnam yn sam ha ka 09-09-2023 bad ïa ka jaka pynlong program yn pynlong ha Community Hall Ladrymbai Dongwah, East Jaiñtia Hills District.