Ka kynhun ïalehkai jong ka Brother United FC kala ïoh ban rung sha ka ‘Quarter Final’ haka lympung ïalehkai phutbol jong ka 7th Invitation Wahiajer Football Tournament 2023 ba la pynïaid da ka Wahiajer Sports Club WJHD, hadien ba ka la pynliem da 3-2 kol ïa ka YBSC daka jingïashut Tie Breaker kaba la long hynnin ka sngi Palei.
Haba phai sha ka jingïakhun kala long kaba ïakhaid bha hapdeng kine ki ar khynhun namar naduh jong ka kylla step tad haduh jong ka kylla miet kim shem lah sati ban thep kol, wat hapdeng ka jingpyrshah na baroh ar liang.
Hynrei na ka liang ki bor pynïaid kila hap ban pynïakhun noh da ka jingïashut Tie Breaker ha kaba ka Brother United FC kala jop da 3-2 kol.
Ha kane ka sngi la sam ruh ïa ka nam Man of the Match ba la ïoh rah da u Wanbhalang War, la pyntip ruh ba ka jingïakhun kaba bud kan long ha ka 19/8/2023 hapdeng ka Iongshiwiat FC pyrshah ïa ka Mawmang SC haka por 3 baje nohphai sngi.