Ka Office jong u Deputy Commissioner (Supply) ka East Jaiñtia Hills District, ha ka jingpyllait khubor mynta ka sngi la pyntip ba ia ka dor jong ka umphniang Sharak S.K.Oil (PDS) na ka bynta u bnai Risaw 2021, la pyllait sha baroh ki dukan die umphniang Sharak S.K.Oil kiba don hapoh District. La pyntip ruh ba ka dor umphniang ka kiew ha man la ka ar taiew.
Ka dor die lang ha Khliehriat ka long Rs. 47.35 shi liter, ka dor die lang ha Sonapur Oil Agency ka long Rs.47.65 shi liter bad ka dor dielang ha Sutnga Sub- Depot yn die ha ka dor Rs. 51.35 shi liter.
Ia ka dor ban die khutia ha Khliehriat yn die ha ka dor Rs.49.25 bad ka dor die khutia ha Sonapur yn die ha ka dor Rs.49.55 shi liter katba ha Sutnga- Sub- Depot Sutnga ka dor ban die khutia ka long Rs. 53.25 shi liter.
Kumta ha kaba iadei bad kane na ka liang ka ophis ka la pyntip ba ia ki dukan ban die khutia (Retail Price) kiba don ka jing jngai 5 KM na ki FPS Centre ki jaka die lang kum ha Khliehriat, Sonapur bad Sutnga yn pynbeit da ka vigilance committee.
Kane ka hukum kan treikam noh naduh mynta haduh ban da pynmih hukum da kumwei pat.