Ka kynhun ïalehkai jong ka Jalapang SC kala long ka nong jop mynta ka sngi da kaba pynliem ïaka Ehrngiew FC lyngba ka jingïashut Tie Breaker da 4-3 kol, ha ka lympung ïalehkai phutbol jong ka 7th Invitation Wahiajer Football Tournament 2023 ba la pynïaid da ka Wahiajer Sports Club.
Da kane ka jingjop jong ka Jalapang SC kala ïoh ban rung syndon sha ka Quarter Final jong kane ka lympung.
Haba phai sha ka jingïakhuh naduh ka por ba la buh kila poi sha ka jingïakhaid da mar 1-1 kol, na ka liang ka Ehrngiew FC kala ïoh ban thep nongkong ïa ka kol da u Banshan Nongdhar haka minit ba 67, katba na ka liang ka Jalapang SC kala ïoh ban pynphai kylla ïa katei ka shikol da u Ebormi Jat haka minit ba 80.
Mynta ka sngi ïaka nam Man of the Match la ïoh rah da u Riburom Jat naka Jalapang SC.
La pyntip ba ka jingïakhun kaba bud kan long ha ka 26/8/2023 hapdeng ka Mawryngkneng Mission pyrshah ïa ka Sikai FC haka por 3 baje nohphai sngi, kaba long ruh ka jingïakhun Quarter Final kaba nyngkong jong kane ka Tournament.