U President ka Khun Hynniewtrep National Union (KHNU) Central Body, bah Abiding Sariang ha ka kyrwoh ba la phah sha ki Ladpathai khubor hynne ka sngi ha Jowai, la ong ba na ka liang ka KHNU ka pynrem jur ia u Rangbah Shnong, Secretary shnong bad ia ka Secretary ka VEC jong ka shnong Lumbyrtung halor ka jingkhang jong ki ia ka Union ban pan da ka RTI halor ka jingtrei kam jong ka shnong, khamtam ha kaba iadei bad ka jingpyntrei ia ka Scheme 100 sngi (MNREGA) bad ia ka jingbym treikam u Tranformer jong ka MeSEB ha ka shnong Lumbyrtung.
U President jong ka Union (KHNU) bah Abiding Sariang ha ka kyrwoh u ong shuh shuh bad na ka liang u Rangbah Shnong, Secretary shnong kiba don ka jingkit khlieh ia ka jingpyntrei ia ki Scheme hapoh shnong hapoh thaw, ki kiar bad iaidlait na u President, Scretary bad ki Member jong ka Union, kiba kwah ia ka jongroi jingpar bad ia ka jingpyntreikam hok ia kino kino ki Scheme hapoh shnong hapoh thaw.
Nangta ka kyrwoh ka ong ba ka jingpyntrei ia ka Scheme ym don ba tip katno ki ioh na ka ophis Block Laskeiñ ha kaba pyntrei kam ia ka pisa kaba ki ioh, ym don batip lait tang u Rangbah Shnong, Secretary shnong bad ka Secretary jong ka jingtrei shispah sngi ha Lumbyrtung, pynkut ka kyrwoh kaba la phah da u Presideent jong ka Khun Hynniewtrep National Union Central Body bah Abiding Sariang.