Ki dkhot jong ka JSU mynne shiteng sngi ki lah ioh jingtip ba don ka jingpyni bor ki Karbi sha ki jaka rep ki briew Pnar bad mar mar ka seng ka la hiar bran bran sha ka shnong Lapangap bad ka lah shem da la jong ki khmat ba ki Karbi ki pyni bor sha ki jaka rep ki shnong Pnar hapoh Lapangap, kumta ki dkhot ka JSU ki lah shong baroh shimiet ban iadon lang bad ki nongshong shnong Lapangap haduh ban da jai jai ka jingkynad hapdeng ki Karbi bad ki nongshong shnong Lapangap.
Na ka liang ka seng ka lah pynibor ia ki bor District West Jaiñtia bad ka la dawa ia ki bor Pulit bad na u DC ka West Jaiñtia ba ka sorkar kadei ban buh noh shisien don da ka camp Pulit pahara khappud (Border Outpost) hapoh u pud u sam ka shnong Lapangap bad sha ki jaka ia kynad bad ka seng ka la ong ba ki pulit ki dei ban ai jingiada ia ki nongleit nongwan bad ki jaka rep ki briew Pnar.
Ka seng ka la ong ba lada ki Pulit kim lah ban ai jingiada ka Seng ha ryngkat bad ki paitbah kin leh ia ka donkam ban iada la ka thaiñ. Na ka liang ki bor District ki lah mynjur ban wanrah ia ki Pulit sha kine ki jaka iakynad naduh lashai ka sngi bad na liang ka shnong Lapangap ki lah pdiang ia kane ka jingai buit bad ka jindawa ka seng.
Ka seng ka la maham tyngeh ia ki katto katne ngut ki nongpynshit jaitbynriew na Karbi ki ba wan rah ia ka jingiakynad hapdeng ki Karbi bad ki Khasi-Jaintia ha ki thaiñ khappud.
