Ka kynhun ïalehkai jong ka Sikai FC kala long ka nongjop hynnin ka sngi da kaba pynliem ïaka Mawryngkneng Mission FC lyngba ka jingïashut Tie Breaker da 4-2 kol, ha ka lympung ïalehkai phutbol jong ka 7th Invitation Wahiajer Football Tournament 2023 ba la pynïaid da ka Wahiajer Sports Club.
Da kane ka jingjop jong ka Sikai FC kala ïoh ban rung sha ka Semi Final jong kane ka lympung, haba phai sha ka jingïakhun hapdeng kine ki ar kynhun ka Sikai FC bad ka Mawryngkneng Mission FC kila poi sha ka jingïakhaid haduh ka por ba kut jong ka jingïakhun da mar 1-1 kol.
Ïa ki kol kaba nyngkong la thep da ka Mawryngkneng Mission haka minit kaba 12 lyngba u Ledrik War, hynrei ka kynhun Sikai FC kala ïoh ban pynphai kylla ïa katei ka shi kol haka minit ba 65 lyngba u Guiding Suna.
Hadien jong kane ka jingïakhaid la hap ban pynïakhun noh da ka jingïashut Tie Breaker ha kaba ka Sikai FC kala jop da 4-2 kol.
Ïaka nam Man of the Match la ïoh rah da u Goalkeeper ka Sikai FC u Edison Suna, ka jingïakhun ba bud kan long haka 31/8/2023 hapdeng ka MLP Football Team pyrshah ïa ka Thadlaskieñ Veterans haka por 2 baje noh phai sngi kaba long ruh ka Quarter Final ba ar jong kane lympung.