Hynnin ka Sngi ka 28/08/2023 ka Jaiñtia National Council – Nongkhlieh Circle hapoh ka jingialam u President Bah Nikki Sutnga ka leit ban u jor ha ophis treikam u SDO ka MePDCL Khliehriat Division halor ka jingsarang uwei u Nar Electric (post light) uba lah ban hap ha kano kano ka por.
Ia une u post light uba Don ha ka shnong Moolasngi, Elaka Nongkhlieh, EJHD, ka seng ka dawa jur na u SDO ba dei ban leit kylliang noh mardor ia utei u post uba buh jingma shikatdei eh khamtam ia ki nongleit nongwan. Ka seng ka kyntu jur ruh ia ki badei peit ia kane ka kam ba ki dei ban leit peit khnang ia kum kine ki post ba la rim bad bam sarang bad kila dei ban kylliang noh ia ki khnang ban lait na kano kano ka jingsngewsih.
Ka seng ka pynpaw ruh ba ym dei ban ieh slem ioh ba hadien ka jingjia hangta yn sa leh ia kaba donkam, hynrei la dei ban buh shwa ia ka jingim ba kordor ha khmat duh kumba ong ka ktien ‘Prevention is better than cure’.
Ha kaba iadei bad katei ka kam ka seng ka dawa ruh ba dei ban buh shuh ia ki post light sha katei ka Elaka namar dang don bun ki jaka ki bym pat don post bad kane ka wanrah jingeh ia ki paid nongshong shnong khamtam ha kine ki sngi ba ka light ka dei ka ba kongsan tam. Pynkut ka kyrwoh na u President JNC Nongkhlieh Circle Bah Nikki Sutnga.
