Ka Khasi Students Union (KSU) Nartiang circle mynnin ka 25/10/21 ha ka jingialam jong u General Secretary u samla Chanbor War bad u samla Juhhi Tariang Publicity Secretary ha ryngkat ka jingsynran lang u Organising Secretary ka Jaintia Hills District Unit u samla Liningrad Tariang bad katto katne ki dkhot ka seng ka la leit ujor sha office jong u Deputy Commissioner West Jaintia Hills District halor ka jing leh meinah ka Sorkar MDA ia ki paidbah ka thaiñ halor ka jingsniew sha ba palat pud jong u surok naduh na shnong Nartiang haduh Khanduli .
Ka seng kala ujor ruh halor ka jingbun palat ki kali heh kum kiTruck/Dumper kiba kit palat pud (Over load) kiba iaid lyngba une u surok nalor ba lah sniew lypa ka jing kit palat pud ka nang iai pynsniew shuh shuh haduh ba kan da buh jing eh ia ki nongshong shnong ka thaiñ ha ka leit ka wan khamtam ha ka pang ka shitom. Ka seng ka la kyrpad jur ia u DC ban iarap bad leh eiei halor kane bad na ka liang jong u DC ruh u la kular ban shimkhia.