Mynta ka sngi ka 27 tarik u Risaw 2021 ka Khasi Student Union (KSU) Jowai Circle hapoh ka jingialam u President jong ka u samla Ioannis Suchiang, u General Secretary u samla Phraki Howni Thubru bad u Organised Secretary ka Jaiñtia Hills District Unit u samla Leningrad Tariang, ryngkat ki dkhot jong ka, kila leit ban khang tala shi syndon ia ka Tool Gate jong ka NHAI ka ba don ha u surok bah NH-6 ha shnong Ialong, West Jaintia Hills.
Katei ka jingleit khang tala jong ka KSU ia katei ka Tool Gate ka dei namar ka jingbym kheiñ snep jong ka NHAI iaka jingdawa jong ka seng naduh ki bnai ba la dep.
Kumban shu pynkynmaw ka seng KSU ka la dawa na ki nongpyniaid jong katei ka Tool Gate ba kan pynshna ia ki Surok, ki Street light bad ki Footpath, hynrei kumba ka paw ki nongpyniaid jong katei ka Tool Gate kim shym leh eiei kumta mynta ka sngi ka Seng ka la shim ia ka rai da kaba leit ban khang khyrdep shwa shipor ia katei ka Tool Gate, kum ka dak ban pynbor ia ki bor ba dei peit ban leh ia kaba donkam, na ka bynta u paidbah nongleit nongwan.
