Mynta ka sngi kaba dei ka sngi rakhe kyrpang ia ka jingngeit ki ki riewngeit Hindu ia kaba la tip kum Raksha Bandhan, na ka liang i B.K. Neelam, iba dei i nongpeit bad nongpyniaid ia ka Brahmakumaris, Shillong Centre, lem bad ki dkhot kane ka seng, ki la leit ban iakynduh ia u Lat ka jylla Meghalaya, u Phagu Chauhan, ha ka office treikam jong u ha Raj Bhavan, Shillong. Ha kane ka sngi ba kyrpang, i Neelam ila teh ia u ksai ba kyntang (Rakhi) ha ka ksangti u Lat, kaba long ka jingteh ban pyni ia ka dak ka jingiada bad jingieid.
Ka Raksha Bandhan, kaba long ka rukom lehniam ki riewngeit Hindu kaba la suh thied bha ha ka rukom ngeit, ka pynpaw ia ka jingieid kaba iai neh bad ka jingkular hapdeng ki shipara kynthei bad shynrang.
Ha ba ai jingkren ha kane ka sngi ka Neelam ka pynpaw ba lyngba kane ka jinglehniam kan wanrah ka jingiatylli lang ka jingiaburom bad ka jingpynkhlaiñ ia ka jingiadei na ka bynta ki nongialam jong ka ri.
Ha kane ka juh ka sngi na ka liang jong ki 10 ngut ki khynnah khunswet hapoh ka jingialam jong ki ar ngut ki Kmie (Mother) na ka SOS Children’s Village Shillong ki la leit ban ia kynduh ia u Lat ha ïng sah jong u ha Raj Bhavan, Shillong ban teh ia ki Rakhi ha kti jong u.
