Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Mooknor Thadmuthlong kala pynliem da 2-1 kol ïa ka NSA, ïa ki kol na ka Mooknor Thadmuthlong la thep da u Ioh i Dhar haka minit ba 38 bad u Phrangko Sari haka minit ba 78.
Haka jingïakhun kaba ar ka Lion SC kala pynliem da 3-1 kol ïa ka Chilliangraij, ïa ki kol na ka Lion SC la thep da u Banteibor Syngkrem haka minit ba 27, u Sanborlang Kharsahnoh haka minit ba 76 bad u Arkini Laloo haka minit ba 89+3. Katba ïa ka shikol na ka Chilliangraij la thep da u Thrang Iakai haka minit ba 55.
Ka jingïakhun lashai ka sngi 1 tarik u Nailur kan long hapdeng ka Pynthorlangteiñ pyrshah ïa ka Panaliar haka por 12 baje mynsngi, katba ka Iawmulong Nartiang kan ïakhun pyrshah ïa ka Shangpung Khliehmuchut haka por 2 baje nohphai sngi.