Ka Ministry of Culture ka sorkar pdeng ka la pynwan dur ia ka Culture Corridor-G20 Digital Museum ban pyni bad rakhe ia ka jingioh pateng ki dkhot ka G20 bad ki ri ka pyrthei kiba shah khot sngewbha sha ka G20. La pynwan dur ia kane ka project katkum ki mat ban ia kren ka G20 jong ka ri India kaba la tip kum “Vasudhaiva Kutumbakam” bad “Culture Unites All’ kum ka shap jong ka Culture Working Group’s (CWG).
Ka Culture Corridor-G20 Digital Museum ka dei ka project ba iadei bad ki ri ka pyrthei ban pynlong ia ka jingiakynduh lang jong ki nongialam ka G20. Yn plie pyrda ia ka Culture Corridor-G20 Digital Museum ha Bharatmandapam, ha ka jingiakynduh lang ki nongialam ka G20 ka ban long ha ka 9 tarik u Nailur, 2023, bad yn shah ia ki paidbah ban leit rung hadien ba la wai ka jingiakynduh lang ki nongialam ka G20.
Kane ka Culture Corridor-G20 Museum ka dei kawei na ki project kaba nyngkong eh ka ba wad ia ka jingiasnohkti lang jong ki ri kiba don ha ka G20 ban pynlong “Ka jaka haka ialum lang ia kiei kiei kiba ha pyrthei” (museum in the making). Ka Culture Corridor kan long kum kawei na ki rynsan kaba khraw bor ha ka ban kyntiew ia ka jingiasngewthuh lang bad jingniewkor ia ka jingpynsngew jong kiba bun ha ka rukom im, ban iasam lang ia ki jingtip, ban ialong lang kumjuh bad ban pynshlur ia ka jingia ithuh ia baroh ha ka imlang ka sahlang.
Kane ka Culture Corridor kan ialeh ban wad bniah ia ki tynrai ka jingshisha ba la ialam sha ka jingshai ka pyrthei bad ban pyniar ia ka jingdomkam jong ka “Vasidjaova Liti,nala,” lane kawei ka pyrthei (one world) kawei ka longing (one family) kawei ka lawei (one future).
Kane ka project baroh kawei ka sawa da kawei ka sur kaba long ka theme jong ka G20 kata “Vasudhaiva Kutumbakam” One Earth, One Family, One Future (kawei ka Pyrthei, kawei ka Longing, kawei ka Lawei). -[PIB]