Ki nongïalam jong Jaiñtia National Council (JNC), ha ka jingïakynduh jong ki bad u Deputy CM u ma Sniawbhalang Dhar, na ka bynta ki jingdawa bapher bapher kiba kynthup ïa ka kam khappud, ka jingsah teng ka Iawmusiang bad kiwei, ha kaba na ka liang jong u ula kular ban leh katba lah ban pyndep ïa kine ki jingdawa kiba donkam na ka bynta ka jait bynriew hi.
Da kaba u la ong ba naka liang ka sorkar haka ba ïadei bad ka kam khappud, la dep ban phah shithi sha ka sorkar Assam ban pynwan biang (Re-transfer) ïa kito ki shnong Pnar ba don ha Block-1, bad dang ap ïaka jubab naka sorkar Assam.
Haka ba ïadei bad ka Iawmusiang Complex Market u Dy CM, u la ong la dep phah peit ïaka building halor ki iron post lada ki dang long ne em ban ïoh shna noh. Haka ba ïadei pat bad ka Mini Secretariat ha Jowai, ula pynpaw ba ka department ba dei ban peit kala sdang ban pynshna ïaka drawing bad ka building bad shen yn sa sdang shna noh.
Ha kaba ïadei pat bad ka Residential School bad ka Teacher’s Training Centre kiba don ha East Jaiñtia u la kular ban shimkhia bad ban buddien ruh da kaba yn sa khot meeting ïa u myntri sorkar (Minister) ka thaiñ u ma Kyrmen Shylla ban ïa phylliew jingmut halor kine.
Naka Liang ka seng ka ïaroh shibun ïa u Dy CM ba u la kloi ban shimkhia halor kine ki mat kiba kyrpang bad khamtam kiba lah ruh ban ai ka jingshakri ba pura ïaki Paidbah naka bynta ka jingmyntoi ïa ka thaiñ bad ïaka jylla hi baroh kawei.