Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Chilliangraij kala lah ban pynliem da 4-1 kol ïa ka Mooknor Thadmuthlong, ïa ki kol na ka Chilliangraij la thep da u Hamewan Rngad haka minit ba 28, u Mayalang Lanong haka minit ba 38, u Chanki Iakai haka minit ba 46 bad u Sajemiki Shylla haka minit ba 64. Katba ïa ka shikol na ka Mooknor Thadmuthlong la thep da u Morning Star Lyngdoh haka minit ba 31.
Ka jingïakhun lashai ka sngi 7 tarik u Nailur kan long hapdeng ka Lion SC pyrshah ïa ka NSA haka por 12 baje mynsngi.