Ka West Jaiñtia District Badminton Association, (WJDBA) Jowai hynnin ka sngi Siatjaiñ 9 tarik u Nailur kala pynhap pyrda ïa ka lympung ïalehkai Badminton bala tip kum ka ‘14th District Open Badminton Championship 2023’ ha Indoor Sports Hall ka Seiñ Raij Jowai kaba don ha Tpep-Pale Jowai.
Ïa kane ka lympung ïalehkai Badminton la sdang naduh ka 1.9.2023 haduh hynnin ka sngi 9.9.2023, ha ki kyrdan ïalehkai ba pher bapher kiba kynthup ïa ka Women Single & Double, Men’s 35+, Men 50+, Men Single, Double bad ka Mixed Double.
Mynta u snem ïa ka nam 14th District Open Badminton Championship 2023 ha ka kyrdan Women Single la jop da ka Ribhalang Passah da 21-9, 21-18 ïa ka Balashembha Passah.
Ha ka Women doubles la jop da ka Josefina Dala Passah & Balashembha Passah da 21-9, 21-19 ïa ka Ibalari Siangshai & Pretty Mary Sumer.
Ha ka 50+ Men Single la jop da u Teddy Laloo da 23-21, 15-21, 16-21 ïa u Lalnunsiama. Ha ka Men Single 35+ la jop da u Dauru Laloo da 21-18, 21-12 ïa u Dr. Peterson L. Lamare.
Ha ka 50+ Men Doubles la jop da u Lalnunsiama & Ambrose Gatphoh da 23-21, 21-16 ïa u Salan Paswet & Teddy Laloo.
Ha ka Mixed Double la jop da ka Josefina Dala Passah & u Mebankerlang Chullai da 21-12, 21-19 ïa ka Ribhalang Passah & u Deilang Wa-oo Nongpluh.
Ha ka Men Single Open la jop da u Mebankerlang Chullai da 21-11, 21-12 ïa u Deilang wa-oo Nongpluh.
Ha ka Men Double open ka jop da u Buromlangki Lakiang & Deilang wa-oo Nongpluh da 21-8, 21-9 ïa u Mebankerlang Chullai & Gregareo Passah.
Katba ha ka Men Double 35+ la jop da Dr. Peterson L. Lamare & Deymeniv Shullai da 10-21, 21-16, 21-11 ïa u Rimilan Passah & Dauru Laloo.
Ïa ki khusnam sha ki nongjop la sam da u kongsan jong kane ka sngi u President ka Sieñraij Jowai ma H. Toi, ha ka jingïadonlang u President ka WJDBA ma JM. Pohsngap, u Secretary ka Seiñraij Jowai ma Arwotki Sumer, ki nongkitkam ka WJDBA nalor kiwei de kiba la shah khot sngewbha.
