Ki Shikmie shikhun kiba dei na ka shnong Mojem ba hap hapoh Block-1, kila jah bad khlem wan phai ïing naduh ka 15 tarik u Risaw 2021 hadien ba kila mih nala ïing ban leit shim dawai sha nongbah Jowai.
Katkum ka khubor la iathuh kane ka longkmie la tip kyrteng kum ka Shinda Samayang (29) snem ka rta bad ka khun jong ka kaba dang don lai snem eiei. Ka kong Shinda Samayang ka dei ka khun jong ka kong R. Samayang bad u ma I. Rymbai ba shong basah ha ka shnong Mojem (Block-1). Halor kane ka jingjah ki shikmie shikhun na ka liang kiba haïing hasem ha ka 27 tarik mynta u bnai kila leit ban ujor ejahar ha Raliang Police Outpost West Jaiñtia Hills District.
Kat kum ka jingiathuh jong kiba ha ïing la ong ba katei ka longkmie kala mih nala ïing ryngkat ba itei i khunlung ha ka 15 tarik u Risaw ha ka por kumba 10:00 baje mynstep ei ei da ka jingthmu ban leit shim dawai khun sha Jowai, hynrei katei ka longkmie bad la ka khun naduh katei ka sngi kim shem la wan phai shuh tah haduh ba la thoh ia kane ka khubor.
Na ka liang kiba ha ïing kila pyrshang ban phone bun bun sien ia ka Shinda hynrei ka mobile ka long Switch off, halor kane ka jingjah ki shikmie shikhun kiba haïing ki buh ka jingkyrpad ia kino kino kiba iohi ne ioh jingtip shaphang jong ki ba kin sngewbha ban pyntip sha ki pulit station ba marjan ne sha kiba haïing hasem da kaba phone ha u number 8730052003.