U MLA ka 2- Jowai Constituency ma Wailadmiki Shylla mynta ka sngi ula wan ban plie ia ka Extension Building jong ka Jowai District Presbyterian School Ialong ia kaba la pynioh da ka jingiarap jong ka company Dalmia Cement Bharat Ltd.
Ha kane ka sngi la iadonlang ruh u Sanjib Mishra uba dei u Regional H.R Head ka Dalmia Cement Bharat LTD, ka Headmaster kong R. Bamon, Rev. E. Nongpluh Chairman JPDJ, u Rev. C.L Laloo Chairman ka SMC, u President barim ka JSU ma E. Pale bad kiwei de.
U ma Wailad haba kren ula ai ka jingiaroh ia ki bor pyniaid jong kane ka skul kiba la trei shitom ban pynkiew ia ka pule ka puthi da ka pynbha pynmiat shuh shuh ia ki kamra klas jong ki khynnah skul. Ula ong ruh lada ianujor bad kiwei de ki skul sorkar hapoh ka District kane ka skul ka long kaba biang ha ki liang kiba bun. Ula kyntu ruh ia ki khynnah skul ba kin long kiba minot ha ka pule puthi jong ki ba kin poi sha ka thong.
