Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ‘Quarter Final’ ka Shangpung Khliehmuchut kala lah ban pynliem da 1-0 kol ïa ka Khliehmynkrem, ïa katei ka shikol na ka Shangpung Khliehmuchut la thep da u Banteilut Langstang ha ka minit ba 93 mins. Lyngba kane ka jingjop ka Shangpung Khliehmuchut ka la ïoh ban rung sha ka Semi Final.
La pyntip ba ka jingïakhun Quarter Final ba bud lashai ka sngi 15.09.2023 kan long hapdeng ka Maitchaphrang Mootyrchiah pyrshah ïaka Chutwakhu. Katba haka 16.09.2023 ka Lumpariat pyrshah ïaka Mooknor Thadmuthlon.