Ka Meghalaya State Legal Services Authority(MSLSA), Shillong ha ryngkat ka jingiatrei lang bad ka District Legal Services Authority (DLSA), East Jaintia Hills District, Khliehriat, ka office u Deputy Commissioner, East Jaintia Hills District, kumjuh ruh ha ryngkat ki office jong ki Block Development Officer, ka Khliehriat, Wapung bad Saipung Block bad katto katne ki tnad office sorkar hynnin (16/09/23) ka sngi ka la pynlong ia ka Mega Camp cum Awareness Programme halor ka NALSA Schemes bad ka Government Welfare Schemes hapoh ka mat “Bridging the Gap” ha madan ialehkai ka Seiñ Jait Tuber Higher Secondary School, Tuberkmaishnong ia kaba la plie paidbah da u Nongbishar badonburom ba hakhlieh duh ka Iing bishar ka Meghalaya, u Nongbishar Rangbah (Patron-in-Chief) ka Meghalaya State Legal Services Authority (MSLSA), u Sanjib Banerjee, ha ka jingiadon lang jong u bah H.S. Thangkhiew, u Nongbishar badonburom ka Meghalaya High Court uba long ruh u Executive Chairman ka MSLSA, u Bah E. Kharumnuid uba dei u Registrar General ka High Court of Meghalaya bad Member Secretary, MSLSA, , I kong C. Dkhar, District and Sessions Judge-cum-Chairperson, District Legal Services Authority, East Jaintia Hills District, ka Chief Judicial Magistrate-cum- Secretary, DLSA, East Jaintia Hills District, ka N.M Momin, u A. Baranwal, Deputy Commissioner ka East Jaintia Hills District, u J.S. Dhanoa, Superintendent of Police ka East Jaintia Hills District, ki nongtrei sorkar, ki khlieh nongshynshar, ki nonghikai, ki khynnah skul bad ki nongshong shnong ka Khliehriat.
Ha ka jingkren plie, u Kongsan, uba long ruh u Nongbishar ba ha khliehduh ka ïingbishar ka Jylla Meghalaya bad u Nongbishar Rangbah ka MSLA, u Sanjib Banerjee, u la pynpaw ia ka jingkmen ban iohi ia ka jingrhem mynsem ia ki spah ngut ki briew kiba na ki 15 tylli ki shnong kiba ia shim bynta lang ha kane ka Mega Camp. Haba kren pat halor ka jingpynrung kyrteng na ka bynta u Adhaar, u Nongbishar badonburom u Sanjib Banerjee, da kaba iathuh ba ka jingdon ki briew kiba la pynrung kynteng ia lade ban ioh ia u Adhaar ki la kot kumba 82 per cent bad u la khot lang ia ki seng bad ki kynhun kiba don bynta kynthup lang ia ki khlieh nongshynshar, ki riew rangbah, ki nonghikai bad kiwei kiwei pat ban pynsaphriang ia ka khubor kylleng bad ban pynshlur ia ki 18 per cent ki nongshong shnong ka District ki bym pat pynrung kyrteng ia lade kiba dang dong kumba 18 per cent na ki nongshong shnong ka District ba kin leit ban pynrung kyrteng na ka bynta ban ioh ia u Adhaar, da kaba pynshai ba ki don shibun ki jingioh jingmyntoi na ka bynta kito kiba la dep ioh ia u Adhaar.
U nongbishar ha hakhlieh duh u la kren ruh shaphang ki jingsniew ha ka imlang sah lang, kynthup ia u jingdih ba pynbuaid (Drugs) uba la ioh jaka ban suh thied ha ka imlang ka sah lang, ba iwei pa iwei kynthup lang ki kmie ki kpa, ki nonghikai, ki nongialam shnong, ki khynnah pule bad kiwei ki dei ban long kiba husiar ia ka jingsniew bad jingshyrkhei kaba une u drugs u wanrah ha ka imlang ka sah lang bad kyntu ruh ia baroh kiba la iadon lang ha kane ka jingialang ban ialeh pyrshah ia ka jingsniew jong u drugs.
U la batai ruh shaphang ki jingjia shah leh beijot pyrshah ia ki khynnah ha kaba bunsien kum kane la ju leh da ki dkhot ka iing ka sem jong ki bashem lanot bad u la khot lang ruh ia baroh ban iasnoh kti lang kawei ban ialeh pyrshah ia ki jingsniew kynthup ia ki jingdih ia ki drugs bad ka jing leh beijot pyrshah ia ki khynnah.
Ha kane ka programme, la sam ruh ia ki jingiarap da ki tiar kum ka jingiarap ia ki briew kiba don ka jingduna ha ki dkhot bad la sam ruh ia ki work order sha ki nongioh bynta hapoh ka PMAY-G Scheme.
Kiwei pat ki jingpyn byrnia ha kane ka programme ki kynthup ia ka rukom tynrai ki briew ka district ba la ai da ka Vangmai SHG Thuruk, East Jaintia Hills District, ka jingrwai da ki khynnah skul ka Hills Field Secondary School, Wapung bad ka rukom im tynrai ba la wanrah da ka kynhun ka Meghalaya Police Cultural Troupe.
Ha kane ka sngi ba pynlong ia ka Mega Camp cum Awareness Programme, la don ruh ka jing eksamin ei da ki doctor, ka jingpynrung kyrteng na ka bynta ka MHIS, u Adhaar Card, EPIC bad E-Shram. La pyntip paidbah ruh ia ki scheme ba la pyntrei da ki tnad sorkar bapher bahper ba kynthup ia ka Agriculture, Horticulture, Social Welfare, Fisheries, Commerce & Industries, Animal Husbandry & Veterinary bad kiwei kiwei bad ka jingpyni paidbah bad jingdie sha ki paidbah ia ki tiar ki tar ba la shna da ki Self Help Groups (SHGs) jong ka district.
Kiwei pat kiba la ai jingkren ha kane ka programme ki kynthup ia i kong C. Dkhar, District and Session Judge-cum-Chairperson, District Legal Services Authority, East Jaintia Hills District, u A. Baranwal, Deputy Commissioner, East Jaintia Hills District, bad Dr. R. Pyrtuh iba long u Block Development Officer, Saipung C&RD Block.
