Ka Seng FKJGP-East Jaintia Hill District Unit ka ai ka jingkyrshan ba pura ia kino kino ki khynhun khamtam ia ka KSU East Jaintia Hill halor ka jingdawa ban maramot noh kloi ia u Surok NH6 uba la sniew shaba palat naduh Khliehriat haduh Ratacherra ha kaba ym ikop shuh wat tang ban ong u National Highway.
Ka Seng kala iohi ha kine ki sngi don shibun ki jingjia ba sngewsih ha utei u Surokbah kum ki jingjia aksiden ba khah khah bad na ka jingsniew utei u Surok shaba palat ka wanrah ka jingdheng kali kaba jur ha ka thain bad sngew synei ban ong ba wat ha ka thain Khliehriat kaba dei ka Head Quarters jong ka East Jaintia Hill District kaba i jah burom ia ka District ban peit ka jingjot utei u Surok bad bun sien ki kali rit ha ba poi ha Khliehriat kim juh iaid shuh na u Surok bah bad ki pyndonkam na u Surok pohshnong ka Khliehriat West namar ba utei u Surok bah um long shuh ia ki kali rit ban iaid.
Na ka liang ka Seng FKJGP ruh ka la dep pynher shibun ki jingthoh sha ka NHAI lyngba u Deputy Commissioner ka East Jaintia ban maramot ia utei u Surok NH6 hynrei ka NHAI kam sngap bad kut tang ha ki jingkular thok jong ka NHAI khadduh ka Seng ka kyrpad ia ki arngut ki MLA ka thaiñ kata u bah Kyrmen Shylla bad ka Santamary Shylla ban pyrkhat ia ki jingeh ki paidbah namarba ki paidbah ki jied nongmihkhmat ban peit ia ki jingeh u paidbah pynkut ka Kyrwoh na u Information Secretary ka Seng FKJGP-EJHD u Bah Mishal Chyrmang.