Khlad u Nongñiah ka trok
Hynne ka miet shitieng synia ha ka por kumba 12 baje kawei ka trok kaba don ïa u number AS-01-FC 8513, kaba thylli kaba thmu ban leit sha ka liang ka surok Shillong kala rat da kaba syllad ïa kawei ka dukan shna tyre (Repair) bad noh syndon shapoh riat kaba jylliew kumba 50 metrer ei ei shapoh, haka jaka ba tip kum ka Wahgate ha u surok Jowai-Shillong
Na ka liang ki nongshong die ba para marjan ha katei ka jaka ki la ïathuh ba don ha kane ka jingjia ha katei ka dukan shna taiar, ba juh sah uwei u briew ne u nongshna tyre, hynrei mynta ka miet um don, namar u leit sah sha ïing ki paralok.
Shuh shuh ha kane ka jingjia ki paidbah ki la dap da ka jinglyngoh shano u nongñiah u jah namar katkum ka jinglong jingman katei ka rukom hap jong katei ka trok, u nongñiah ne kiba don ha katei ka trok kim lah shuh ban lait naka jingïap ne jingmynsaw.
Ha kane ka jingjia hadien ka jingjurip bniah jong ki pulit bad ka jingïarap ki SRT, la ïohi ïa ka met u nongñiah kane ka trok ïa u ba la tip kyrteng kum u Khrawkupar Phawa u ba na ka shnong Sohmynting West Jaiñtia Hills Distirct.
