Ka Seng HNYM West Jaiñtia Hill District ngi kyrshan ia ki Seng baroh bad khamtam ia ka Khasi Student Union (KSU) kaba mih shakhmat ban ia khih ia une u surok NH6, ba lajot bad sniew palat pud naduh Tuber Sohshrieh ter ter haduh Malidor.
Na ka liang jong ka seng HNYM West Jaiñtia Hills District ruh ka pynpaw ba ha ba leit sha ki thaiñ East Jaintia Hills la iohi ia ka jingshisha ha ka jingiadei bad ka jingsniew palat jong une u surok bad kam long shuh kaba shngaiñ ia ka leit ka wan jong ki paidbah khamtam ia ki ba pang ba shitom.
Kane ka jingleh jong ka NHAI ka pynbitar ia u paidbah babun balang jong ka bri Hynñiewtrep hi baroh kawei. Kane ka long katkum ka kyrwoh na u President ka West Jaiñtia Hill District u samla Leoferdinand Suiam.