Ka Federation of Khasi Jaintia and Garo people (FKJGP) Nartiang Area Unit mynta ka sngi 29th October 2021 kala plie pyrda ia ka 1st U Mar Phalangki Open to all Football Tournament 2021 ha Madan Thad Nartiang.
U ma Thombor Shiwat Local MDC ka thaiñ uba dei ruh u CEM jong ka JHADC u long kum u kongsan ban plie pyrda ia kane ka 1st U Mar Phalangki Open to all Football Tournament 202.
U symbud kongsan ha kane ka sngi u ma D.S.War, Chief Organising Secretary FKJGP Jaintia Hills zone ba dei ruh u waheh shnong jong ka shnong Namdong-B.
Ha kane ka sngi la wan ban pynphuh pynphieng bad sakhi lang da ki Rangbah jong ka shnong Nartiang kynthup ia u Waheh Shnong ma Mum Phalangki, Acting Daloi ma Kloi Pale, ma Don Dhar Pator Nongpyrda, Ma shembiang Myria Ex-Waheh Shnong bad u Waheh Shnong ka Modop ma Dawyo Dkhar bad ki long kmie long kpa bad ki khun samla jong ka shnong Nartiang bad ki Marjan Marpa.
Naka liang jong ka FKJGP la wan ban sakhi lang bah Danny Nongrum, Asst Education Secretary Central body, Wilfred Kharumnuid CEC member, ki nongkitkam jong ka FKJGP Jaintia Hills Zone, ki nongkitkam ka East Jaintia bad West Jaintia bad na ki circle ki unit jong ka FKJGP kiba don ha poh rilum Jaintia.
Ha kane ka Tournament la wan ban shim bynta da ki 34 tylli ki teams. Kiba ioh ia ka Jingjop kin rah ia ka song Pisa ka ba Rs.2 lakh tyngka bad kaba wan ba 2 kan ioh rah ia ka song Pisa kaba Rs.1 lak tyngka. Ia ka program plie pyrda la pyniaid da u Bin Raliang, President FkJGP Nartiang Area Unit.
La don ruh ka jingiakop shad kaba la pynlong ha Community Hall Nartiamg la wan ban shim bynta da ki 20 ngut ki khun samla ka thaiñ Nartiang. U samla Deimon Niang u long u nong jop bad ka song Pisa ka ba Rs.4000/- tyngka wa ba ar samla Syndong Sumer bad ka Pisa Rs. 3000 bad wan ba lai Deiwahun Samating Pisa Rs.2000/- tyngka bad 5 ngut ki consultation prize mar 200 tyngka. Kane ka dei katkum ka khubor lyngba u Wednesday Dkhar Eecretary FKJGP Nartiang Area Unit.