Mynta ka sngi ka Meghalaya People United Front seng (MPUF) East Jaintia ha ka jinglamkhmat u President u ma Kyrshan Blah ryngkat ka jingiadon lang ki dkhot, ka seng ka la ai ka jingkyrshan kaba pura ia ka KSU, halor ka jingiakhih jong ka KSU na ka bynta ka surok bah NH-6 ka ban sa long haka 2.5.09.2023 ha Khliehrait EJHD.
Naka liang jong u President MPUF u ma Kyrshan Blah haba ai jingkren u la ong ba ka jingpynbna ia khih jong ka KSU da kaba thiah ha surok, ka long kaba dei hok namar kumba long mynta ka surok NH-6 kaba dei peit da ka NHAI, wat tang ban iaid ki kali ruh ym i long shuh, u la ong ruh ba ia ka surok jong ka East Jaintia naduh Khliehrait shaduh Ratachshera ladei noh ban iaid da ki kali kulai namar ki kali ym i long shuh ban iaid. U la kyntu jur iaki paidbah ba kin sngewbha ban ia mih lang sha katei ka jingiakhih ka ban salong haka tei ka sngi namar kane ka issue ymdei tang ka khiah ka shon jong ki sengbhalang ladei ruh jong ki paidbah baroh, namar u surok u long u budlum jong ki paidbah namar na utei u surok ki paidbah ki ioh ban ia khaii pateng khamtam ha ka shitom ka pang.
Shuh shuh u ma Kyrshan u la kyntu ruh ia u MLA jong ka 6-Khliehrait u ma Kyrmen Shylla uba long ruh u minister jong ka sorkar MDA, ba un sngewbha ban tuklar lang ei ei ha kaba iadei bad ka jingsniew palat jong ka surok bah NH-6 hapoh ka East Jaintia Hills District.
La ioh ruh ia ki jingkren na u Vice President ka San Shnong Unit u ma Sciencetis Sana bad na u Secretary ka seng u samla Kmenlang Siangshai.