Mynnin ka sngi 21/09/2023 ka Mukhla Raij Sports Club kala sdang da ka opening
ceremony ïa ka 1st Invitation Knockout tournament ïa kiba dap ka rta 40 snem shaneng ha
Madan Len ha Ladmukhla.
Ha kane ka sngi sdang jong kane ka Tournament la wan ban plie ïa ka da u Rangbah Shnong ka Dorbar Shnong Khliehtyrshi u Rgh. Kitbok Rymbai kum u Kongsan, katba u Rgh. Edy Shylla Rangbah Shnong barim ka Iawmusiang Jowai kum u Symbud Kongsan ha ka jingïadonlang u Rgh. Kyntang Passah na Jowai, bad u Rgh. Darilang Lamare na Jowai, ryngkat bad ki Rangbah shnong Secretary Shnong na ki Shnong hapoh ka Mukhla Pyllun.
Ha kane ka sngi sdang jong kane ka jingïalehkai football tournament la sdang da ka jingïalehkai
hapdeng ka Mukhla Raij Ever young FC Pyrshah ïa ka Ar Daloi FC na East Jaintia Hills District, ha kane
ka jingïalehkai ka la long kaba itynnad bha ha kaba kine ki artylli ki team ki ia ryngkat bor bha
tangba dang ha ka kylla step ka Mukhla Raij Ever Young FC ka la ïoh ban pynkhih ïa
ka jar da kaba thep shi kol lyngba u Rimaya Suna.
Kumta ka jingïalehkai ka la poi sha ka kut jong ka kylla step da ka shi kol, ha ka kylla miet jong ka jing ialehkai, ka Ar Daloi FC ka la pyrshang ban wad ki lad ki lynti ban ioh siew kylla ia kane ka Shi kol ka Mukhla Raij Ever Young tangba kam don lad shuh namar ba ki players jong ka Mukhla Raij Ever Young FC kidei ki ba snar te kim ailad ïa ki players jong ka Ar Daloi FC u ba kin ïoh ban siew ïa katei ka shi Kol, kamta ka Mukhla Raij Ever Young FC ka la jop ia Ar Daloi FC da 1-0 kol.
Ha ka jinglehkai kaba ar ha kane ka Tournament jong ki 40 Snem shaneng ka long hapdeng ka Iakyntu FC na Ladmukhla Pyrshah ïa ka office jong ka Soil Department, ha kane ka jingïalehkai ba ar ka long shisha kaba itynnad ha kaba kine ki ar tylli ki team ki ia ryngkat bor kumta hapdeng ka jingïalehkai, ka Iakyntu FC ka la ïoh ban pynkhih ïa ka jar ba nyngkong da kaba thep shi kol ïa ka Soil Department kumta ha shwa ban kut jong ka kylla step ka Soil Department ruh ka la lah ban siew kylla ïa ka shi kol ba la thep da ka Iakyntu FC.
Kamta hadien jong ka kylla miet ka Iakyntu FC ka la ïoh ban thep biang sa 2 Tylli ki Kol, kumta ka Iakyntu FC na Ladmukhla ka la jop ïa ka Soil Department da 3:1 kol.
ïa kane ka tournament ne ka jinglehkai yn ïakhun biang ha ka sngi Saitjaiñ 23/09/2023 hapdeng ka Old Star FC pyrshah ïa MLP FC ha ka por 2:30 pm ha madan Len Ladmukhla.