Ka Meghalaya Legislative Assembly hapoh ka jingpyniaid bad jingaimynsiem jong u Lamphang jong ka u Thomas A Sangma kala ioh ban pyndonkam da ki kot Aritificial Intelligence ne kita ki AI na ka bynta ban rikot ia ki jingkren ne ki proceeding hapoh jong ka ïing Dorbar bad kane ka la wanrah ia ka jingjop pynpaw ki nongpyniaid.
Ka Chief Reporter jong ka Assembly Secretariat ka kong Arnica Lyngdoh ha ka jingiatreilang bad u bah Dapborlang Marwein uba dei u Computer Programmer, IT Cell, ka Meghalaya Legislative Assembly kila shim ia kane ka prokram ban pynbha shuh shuh ia ka rukom ai ripot hapoh ka Assembly ha ka rukom kaba shai bad kaba long thik.
Ka jingpyntreikam ia kine ki AI kala wanrah ka jingiadeikam hapdeng ka Reporter’s Branch bad ka IT Cell kaba jop.
Kane ka la long kum ka nuksa ia kiwei pat ki ïing Dorbar thawaiñ jong ka ri ban iabud ia kine ki rukom pyntrei da ki AI ha kum kine ki juk jong ka jingstad digital.
U bah Marweiñ ula pyntip ba ka Reporter’s Module kaba dei ka bynta jong ka NeVA (National e-Vidhan Application) project bad ia kane la pyntrei naduh ba sdang jong ka Dorbar Synrai 2023 bad kane kala wan rah ia ka jingjop kaba khraw.
Na ka liang jong u Lamphang ka ïing Dorbar ula pynpaw ka jingsngewhun halor kane ka jingpyntreikam da ki AI.
Na ka liang jong u Commissioner & Secretary ruh ula pynpaw ia kane jingsngewhun bad ka jingsngew sarong halor ka jinglah ba thymmai ban pynlong digital ia ka jingtreikam hapoh ka Assembly Secretariat bad ai khublei halor ka jinglah jong ka IT Cell bad ka Reporters Branch kiba la trei ia kane ka kam.