Ka Khynroo Khyllood Chilliangraij Niamtre Committee (KKCNC) kawei na ki shnat treikam ka Dorbar Chnong Chilliangraij ban pynneh pynsah ïa ki riti dustur jong ki longshwa man shwa.
Ha kane ka 24 tarik Nailur kila pynlong ïa ka jingïakynduh lang ha Dorbar Hall jong ka Shnong Chilliangraij shi bynta na ka jingleh burom ïa ka jingdap 11 snem ka jingïaid lynti jong ka Khynroo Khyllood Chilliangraij Niamtre Committee haka jingshakri.
Ha kane ka sngi la wan ban sakhi lang da u President Seiñraij Jowai ma O. H. Toi kum u kongsan haka jingdonlang u ma E.M.H. Passah, Vice-President Seiñraij, kiwei de ki riew rangbah, ki longkmie, ki khun samla ba ki dong bapher bapher.
Ïa ka jingïalang la pynïaid daka Jukiru Shylla la ïoh ka jingduwai na ka Da-I-waka Dkhar bad ka jingïakhana lyngkot shaphang ka KKCNC naka Nobel Dkhar, ïa ki kyntien sneng la ai da u ma D.H. Pde, Waheh Shnong Chilliangraij. Katba na ka liang ka Dakawanha-I War kala ai jingkren hajrong ka phang ‘Yatoh Jingmut’.
U ma O.H. Toi haba ai jingkren ula ai ka jingïaroh ïa ka nongïalam ka KKCNC kiba la lah ban pynïaid ïa ki kam babha jong kane ka seng, haka juh ka por ula kyntu ïa ki khun samla ba kin long kiba ri kyndong ïa ka akor ka burom ha ka longbriew manbriew khamtam ha kum kane ka juk ba mynta kiba la dap da ki jingsniew kiba ha rukom haduh ki ïing ki sem bad ha ka imlang ka sahlang.
U ma EMH Passah ula ai jingmut shaphang ki buit treikam na ka bynta ka Committee ba kin lah ban pynïaid ïa ki kam ba bha shakhmat, ula kyntu ban don ka jingïatylli lang kawei ka jingmut kum shi para khnang ba yn lah ban poi sha ka thong ka jingjop.
La pynphuh pynphieng shuh shuh ïa kane ka sngi da ki jingshad bala shim bynta da ki samla ka shnong Panaliar, KKC Seiñraij Jowai bad ki samla ka shnong Chilliangraij, la pynkup burom kyrpang kumjuh ïa u Lakhon Dkhar, na ka liang ka Seiñraij Jawai kala sam ruh ïa ki khunsam sha ki khynnah kiba jop ha ki jingïakop bapher bapher.
