U Myntri Rangbahduh ka ri India, u Narendra Modi un sam kumba 51,000 hajar tylli ki shithi rungkam hapoh ka thup jong ka Rozgar Mela sha kito kiba dang shu shah jied ban rung kam thymmai ha ka 26 tarik u Nailur, 2023 lyngba ka video conferencing ha ka por 10:30 mynstep.
Ha kane ka video conferencing, u Myntri Rangbahduh un ai jingkren ruh sha kito kiba la shah jied ban rungkam. Ha ka nongbah Shillong, kane ka programme kan long ha State Convention Centre, Camel’s Back Road.
Kane ka Rozgar Mela kan long ha ki 46 tylli ki jaka ha kylleng ka ri. Ka jingpynrung kam ka la long ha ki tnad treikam ka sorkar pdeng bad kumjuh ha ki tnad treikam ka sorkar jylla bad ha ki Union Territories (UTs). Kiba shah jied ban rung kam, ia kiba la jied na kylleng ka ri kin sa rung ha ki Ministry/Departments bapher bapher nalor kiwei kiba ba kynthup ia ka Department of Posts, Indian Audit & Accounts Department, Department of Atomic Energy, Department of Revenue, Department of Higher Education, Ministry of Defence, Ministry of Health & Family Welfare.
Ka Rozgar Mela ka dei ka jingjam ban pyndep ia ka jingkular u Myntri Rangbahduh ban pynioh ia ka jinglong ba nyngkong ha ka ioh kam ioh jam ka juk ba mynta. La khmih lynti ba ka Rozgar Mela kan long kum kata ka lad ban kyntiew shuh shuh ia ka jingioh kam ioh jam jong ki samla bad ban aibor ia ki ha ka ban ia shim bynta ban kyntiew ia ka roi ka par ha ka ri hi baroh kawei.
Kine kiba dang shu shah jied thymmai ki ioh ruh ia ka lad ban pyntbit ia lade lyngba ka Karmayogi Prarambh, kaba dei ka jinghikai online kaba lah ban shem ha ka iGOT Karmayogi portal, ha kaba la pynbiang ia kumba palat 680 tylli ki jinghikai lyngba ka internet.