Ka College of Teacher Education (PGT), Shillong mynta ka sngi ka la sdang ban rakhe ia ka Diamond Jubilee jong ka ha auditorium jong ka College. La nang kham pyniphuh ia kane ka jingrakhe da ka jingiadon lang ryngkat u Myntri ka Thoh ka Tar (Education Minister) ka sorkar jylla, u Rakkam A. Sangma.
U Rakkam Sangma ha ka jingkren plie jong u, ula iaroh ia kane ka jaka ai jinghikai ha kaba ka la ai ka jingshakri jong ka ban pynmih ia ki hajar ngut ki nonghikai kiba shakri ia ka jylla ha ki skul bapher bapher ha sor kymjuh ha nongkyndong, bad kane ka jaka ai jinghikai ka long kum ka rynsan ha kaba ki nonghikai kin lah ban kham pyntbit ia lade ha ka kam hikai.
U la bynrap ruh ba da ka jingnang kiew stet ha ka jingstad science ban lap bad shem shaphang kano kano ka jingtip ba kyrpang, ki briew barabor ki ju shañiah ha kane ka jingstad na ka bynta kino kino ki jingthmu jong ki, namarkata, u la kyntu ia ki khynnah pule ban pyndonkam da la ka jong ka bor jingstad bad ban pynduna ia ka jingpyndonkam da ki bor jingstad science ba mynta.
U la ong ruh ba ki nonghikai ki don ka jingkitkhlieh na ka bynta ka lawei jong ka imlang ka sahlang, ka jylla bad ka pateng bynriew ka ban dang wan, u Myntri u la kyntu jur ia ki khynnah pule ban long kiba minot bad ba trei shitom ban shim ia ka jingkitkhlieh bad ka kular ban pyntikna ban pynlong ia iwei pa iwei ki nong noh synniang ha ka imlang ka sahlang.
Ha kane ka prokram, u Kongsan ha ryngkat ki heh sorkar u la plie pyrda ia u Logo bad ka Theme jong ka College Diamond Jubilee.
Napdeng kiwei pat kiba la ia don lang, ki kynthup ia u bah H.M. Shangpliang, Adviser, Education Department, bah W. L. Lyngdoh, IAS (Retd) uba long u President ka College Governing Body, I Dr. M.A, Jyrwa, Principal, College of Teacher Education (PGT).
