Ka Jaiñtia Hills Development Society (JHDS) ha rynkat ka jingïatreilang bad ka ophis jong ka KHUBLEI Germany ka la plie paidbah ïaki ar tylli ki ïing ba duk ïa kaba la tei kyrpang da kitei ki organization naka bynta kine ki long ïing ba duk. Ïa kine la plie haka 25 bad 26 u September 2023.
Kine ki ar tylli ki ïing ki dei ka ïing ka kong Biki Biam na ka shnong Mihmyntdu bad ka ïing u ma Gerald Siangshai na ka shnong Umshangiar Khanduli.
Ïa kine ki artylli ki ïing la shna bad pynbit pynbiang da ka JHDS ryngkat bad ka jingkyrshan na ki arngut ki nongïarap kiba na ka Ri Germany kita ki long u Thomas bad ka Petra Meyer.
Ïa ka ïing ka Kong Biki Biam la plie haka 25-09-2023 da u Sir Gerhard Albert, President ka KHUBLEI Germany bad la kyrkhu da u Fr. Simeon Sungoh, GB Member ka JHDS ha ryngkat ka jingïadonlang u Fr. Manbha Pakem, Director JHDS, ki Staff bad ki nongïalam ka Balang Katholik Mihmyntdu.
La aiti sha ka longïing ka Kong Biki Biam ïa kane ka ïing ha ryngkat bad kiwei de ki tiar ba donkam kiba kynthup shiset ki shuki sofa, ar tylli ki palong jingthiah, kimiej, ki stole, ka drawl bad kiwei de ki jingdonkam.
Haka 26-09-2023 la plie sa kawei ka ïing ha ka shnong Khanduli ha kaba la aiti ïa kane ka ïing sha ka longïing u ma Gerald Siangshai bad ka ïing ka sem. La plie ïa kane ka ïing da u Coordinator ka JHDS u Bah Denis Kurkalang bad la kyrkhu da u Fr Manbha Pakem Director JHDS ryngkat ka jingïadonlang u President ka KHUBLEI Germany, ki staff ka JHDS bad ki nongïalam ka Seng Rangbah Katholik Namdong Parish.
Ïa ka jinglut jingsep ha ba tei ïa kane ka ïing la pynbit pynbiang da ka JHDS bad ka KHUBLEI Germany ryngkat ka jingkyrshan ka Seng Rangbah Katholik Namdong Parish.
Na ka liang u Director ka JHDS haba kren ula pynpaw ka jingsngewnguh ïa baroh kiba donkti bad kyrshan ban pynshna ïa kine ki ar tylli ki ïing bad kiba donkam shisha ka jingïarap.
