Pynlong ka ophis BMC, SSA Amlarem ïaka Enrolment Drive Rally ha Pdengshakap
Kum shi bynta ka jingrakhe ïa ka sngi jong ka thoh ka pule puthi bad ruh ban pynphriang ïa ka khubor jong ka jingnang jingstad halor ka mat kyrpang ‘Promoting Literacy for a world in transition: Building the foundation for sustainable and peaceful societies.
Ha kane ka 28 tarik September kila pynlong ïa kane ka Enrolment Drive Programme ha shnong Pdengshakap da ka ophis treikam u Block Mission Coordinator, SSA Amalarem ha ryngkat ka jingïaid rally ki khynnah skul ban pyrta ïa ka khubor jong ka jingkordor ka jingnang jingstad ha kane ka juk mynta.
Ha ka jingïalang ba la pynïaid da u H.C. Lamin, BMC, SSA Amlarem la ïoh ka jingkren pdiang burom na u A. Kassar, Headteacher Pdengshakap Govt. LPS katba ïa ki kyntien maitphang halor ka nongrimjong World Literacy Day la kren da u S.D. Laloo, DCCM, SSA bad haba kut ka jingïalang ka P.Suting, CRP Pdengshakap Cluster ka la ai ki kyntien khublei.
U W. Chyrmang kum u kongsan jong kane ka jingrakhe haba ai jingkren ula khot bad we ïa ki khynnah ba kin long kiba minot bad treishitom ha ka jingpule jong ki namar ka jingnang jingstad ka long u shabi jong ka jingim bad haba don ka jingnang jingstad ka pynlait ïa u briew na kiba bun ki jingshah the mraw kiba wan ha ki dur ki rukom bapher.
Na ka liang u BMC, SSA Amlarem ryngkat ka DMC-SSA SEMAM, West Jaiñtia Hill shalor ki kam babha jong ki Volunteer haman ki Special Training Centre ki la shim ban pynkyrpang ïa kane ka jingrakhe da kaba pynkup burom ïa ki 11 ngut ki Volunteer kiba la trei borbah ban saiñ dur saiñ dar ïa kito ki khynnah ba don hapdeng ka jingduh jingkyrmen ha ka ban ïoh ïa ka jingnang thoh nang pule. Shuh shuh la don ruh ka jingsam ïa ki trophy sha ki khynnah ba jop ha ka Drawing-Painting Competition halor ki jingdro ba ïadei bad ka pule puthi bad ruh ka jingsam ïaki Mememto sha ka Pdengkseh Govt. LPS, Pamtbuh Govt. LPS bad Pdengshakap Govt. LPS kiba long ki nongjop jong ka Slogan Competition.
