Ka jingïalehkai phutbol bala tip kum ka (L) Kesilroy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun Semi Final ba ar jong kane ka lympung na ka liang ka Salaroh FC kala lah ban pynliem da shikol 1-0 ïa ka Rymbai Shkenshynriah. Ïa katei ka kol na ka Salaroh FC la thep da u Apbor Kurbah haka minit ba 103.
Lyngba kane ka jingjop jong ka Salaroh FC kala ïoh ban rung syndon sha ka phainal da kaba yn ïakhun pyrshah ïa ka Mukhla FC ka ban long haka 7.10.2023 ha ka por 2 baje noh phai sngi ban knieh ïaka nam lahduh jong kane ka lympung mynta u snem.